星期一又襯學校假期，又去咗海洋公園，又係由等10am開門玩到6pm閉園！😂
最甘唔係大熱天時玩足8個鐘，亦唔係玩完仲要拖呢隻(暫時)無晒電嘅嘢，喺放工時間逼車轉線返屋企… 而係返到屋企佢仲要你繼續陪佢玩！(暈)再加成日無見嘅細佬一齊Cher呀Cher🙈🙈🙈(老母我攰到原地升天😇)
不過好開心呢兩年係陪伴多咗哥哥，尤其今年覺得自己EQ同耐性高咗(對佢唔住，之前因為工作到疫情初期，情緒真係有啲起伏)而細佬最幸福，因為佢開心果嘅性格，媽媽就算幾唔開心，見到佢都會開心返，佢應該從少就冇乜機會接受到我嘅負能量😂
唔洗返全職睇落好happy，好似成日同佢哋周圍去玩… 其實真係辛苦過返工！尤其是我係超級怕熱怕曬，又極之唔鍾意戶外活動嘅宅女！真係內心淌著淚🥲
Btw, 每次見到有啲有關全職媽媽，具爭議性嘅post，啲留言好多都係話女人要識搵錢先有地位、伸手問老公攞錢就係咁、點解唔返工等等，仲要好多時留言嘅同樣係女人… 其實照顧家庭都係一種付出，但同時亦係一種犧牲… 而且某程度上家庭煮婦都係一種有生產力嘅工作。
大家睇完《逃避可恥但有用》淨係掛住結衣BB，有無諗過套劇當中帶出的訊息？😌🙏🏻(因為琴日嘅婚訊，有感而發)
P.S. public page，都係遮一下同學仔以保障私隱😊
Search